MK
SQ
_svg.png)
EN
ALEN BLANCO HERNANDEZ 2035
Алијанса на Македонските Граѓани
Време е да ја земеме иднината во наши раце
Придружете се на движењето за ПРАВЕДНА, ПРОСПЕРИТЕТНА и ДОСТОИНСТВЕНА Македонија
По трагедијата во ноќниот клуб „Пулс“, нашата земја стои на крстопат. Обединети сме во жалост — но сега мора да се обединиме во акција. Огнот можеби одзеде животи, но исто така ја разоткри трулата состојба што со децении ја разјадува нашата земја: неконтролирана корупција, политичка неказнивост, неспособност и целосно занемарување на граѓаните. Токму ова системско занемарување и рамнодушност кон народот доведоа до трагедија по трагедија.
Ги повикуваме граѓаните да се издигнат — не зад политичка партија, туку зад заедничка цел: да побараме одговорност, да ја вратиме интегритетот и да ја изградиме иднината на нашата земја одново.
Ова не е политичка партија. Ова е граѓанско движење- создадено од и за обичните луѓе кои веќе немаат трпение. Доста беше корупција. Доста беа лаги. Доста беше украдена иднина.
Ова е платформа за обединување на луѓе од сите сфери на животот-млади и стари, од рурални и урбани средини, оние што останале во Македонија и тие во дијаспората, од сите етнички, верски и политички позадини- со заедничко барање за држава што работи за сите нас.
Сѐ уште не знаеме како ќе се развие ова движење. Можеби ќе биде граѓанска платформа, национален набљудивач, истажувачки институт или политичка сила. Но, таа одлука нема да ја донесеме ние-туку вие. Ова движење му припаѓа на народот. И заедно, ќе одлучиме што следува понатаму.
Велиме: Доста е!
Ние сме д-р Елена Спасовска и Михаел Пеневски — партнери во животот, а сега и партнери во борбата за враќање на иднината на Македонија.
Ова движење се роди од тага, бес и длабоко чувство на одговорност по трагедијата во ноќниот клуб. Но, одбиваме таа болка да биде залудна. Ја претвораме во цел. Во сила. Во платформа за промена.
Јас, д-р Елена Спасовска, заедно со Мајкл Пеневски, го започнав и го предводам ова движење. Родена и израсната во Македонија, како и многу од нашите најсветли млади луѓе, ја напуштив земјата во потрага по можности кои мојата татковина не можеше да ги понуди. Магистрирав во Шпанија, а докторирав во Австралија, каде што предавав и истражував во областа на меѓународната политика, градењето мир, родова еднаквост и владеење на правото на водечки универзитети.
Но, без разлика каде живеев, моето срце и професионални интереси никогаш не ја напуштија Македонија. Со Мајкл зборуваме за неа секојдневно — ја носиме во нашите мисли, во нашата работа, во нашите надежи. Сега, делуваме врз тие надежи.
Сакаме да придонесеме кон изградба на Македонија со која сите ќе се гордееме. Безбедна, стабилна и суверена држава што работи за народот — а не за привилегираните малкумина.
Стапуваме напред не затоа што сакаме моќ — туку затоа што ни е доста да гледаме како таа моќ се злоупотребува.
Ова движење не го започнуваме како политичари, туку како граѓани. Како родители. Како Македонци. Немаме скриена агенда — туку заедничка посветеност да создадеме подобра иднина за сите. Иднина со можности, безбедност, достоинство и правда.
Ги повикуваме македонските граѓани и членовите на дијаспората — без разлика дали сте родени во Македонија или во странство — да ни се придружат во оваа кауза. Ги повикуваме сите што останале — и сите што заминале — да се обединат, да ги здружат своите вештини и искуства и да помогнат во поставувањето на темелите на нова Македонија. Македонија што конечно ќе почне да се соочува и решава длабоко вкоренети проблеми што траат под власта на последователни влади.
Ова е движење за засилување на гласовите кои долго беа игнорирани, замолчени или исклучени од обликување на иднината на земјата — и за мобилизирање на потенцијалот на сите кои се подготвени да придонесат за одржлива иднина за македонските граѓани.
Не тврдиме дека ги знаеме сите одговори — но носиме искреност, транспарентност и големо срце за местото што сè уште го нарекуваме дом. Ние го правиме првиот чекор, но не можеме да го изодиме овој пат сами. Ни треба вашата поддршка.
ОСНОВНИ НАЧЕЛА:
Народот на прво место: Ова движење му припаѓа на народот. Секоја одлука, секоја насока, и идни чекори ќе бидат одликувани од граѓаните што ќе ни се приклучат.
Вистина и транспарентност: Ја разобличуваме корупцијата, каде и да се крие.
Единство преку разликите: Етничката припадност, религијата, јазикот, потеклото или местоположбата не смеат да не разделуваат. Ние сме еден народ за заедничка иднина.
Учество, а не пасивност: Граѓаните не се само пасивни гласачи. Тие се активни лидери, набљудувачи и двигатели на промену.
Храброст пред удобност: Ќе ја зборуваме вистината за моќта- без оглед на цената.
Ако веруваш дека Македонија заслужува подобро — придружи ни се.
Ова е повик до сите граѓани во Македонија и надвор
Ова е вашиот момент. Вашиот глас.
Вашето движење.
Ве повикуваме – каде и да сте:
-
Во селата и градовите на Македонија.
-
Во дијаспората, жедни за промени во татковината.
-
Во вашите домови, гледајќи ги вестите и чувствувајќи се немоќно.
Создаваме граѓански сојуз. Движење од народот, за народот – иницијатива што ќе ја изгради нашата држава од темел. Ова не е само за политика. Ова е за правда. За можности. За повторно освојување на иднината за нашите деца.
Тука сме да придонесема за да:
-
Ја прекинеме спиралата на корупција што им ја украде иднината на нашите млади.
-
Вратиме правда и одговорност во секоја институција.
-
Создадеме работни места и економска надеж за новите генерации.
-
Изградиме држава што ги штити своите граѓани – наместо да ги загрозува.
-
Го запреме одливот на мозоци и да ги вратиме нашите луѓе дома.
-
Се обединиме преку генерации и региони за да ја зачуваме заедничката иднина.
Зошто го правиме ова?
Затоа што веќе ни е доста од:
-
Лидери кои си служат самите себеси, а не народот.
-
Општини потонати во мито, измами и молк.
-
Бизниси што напредуваат благодарение на политички услуги, додека граѓаните едвај преживуваат.
-
Обични луѓе што тонат во безнадежност, апатија и разочараност, додека моќниците цветаат.
-
Талентирани млади принудени да бегаат во странство за шанса за живот.
-
Семејства распарчени од миграција и економска безизлезност.
Веруваме во нова визија за Македонија — изградена врз транспарентност, владеење на правото, развој, еднаквост, и достоинство.
Нашата Мисија
Да ги обединиме Македонските граѓани и членовите на дијаспората без разлика на нивната позадина во заедничка мисија да ја разоткриеме корупцијата, да ја вратиме довербата во јавните институции, и заеднички да изградиме праведна, транспарентна и инклузивна инднина.
Веруваме дека токму народот мора да го води патот-и дека колективната сила, а не личната амбиција, е таа што ќе ја преобрази нашата држава.
Ние сме тука да изградиме нова Македонија – држава што:
-
Се бори против корупцијата на сите нивоа — без исклучоци.
-
Го почитува владеењето на правото и правдата — никој не е над законот.
-
Создава вистински можности — не само празни ветувања.
-
Ги става луѓето на прво место — не политичките партии или личните интереси.
-
Ја ангажира и вклучува дијаспората — со цел, и со отворени раце.
-
Го враќа националното достоинство — оживувајќи ја довербата, гордоста и демократските вредности во секој агол на земјата.
-
Ја обновува довербата, гордоста и надежта — низ секој град, село и секој дом.
Ние не ве повикуваме да верувате во уште една партија или политичар.
Ве повикуваме да се приклучите на нов тип на движење — создадено од народот, за народот, со јасна визија за долгорочна трансформација.
ОВА Е МОМЕНТОТ.
ТИ СИ ДВИЖЕЊЕТО.
СÈ ПOЧНУВА СО ТЕБЕ.
Ако некогаш си ја погледнал состојбата во нашата земја и си почувствувал тага, бес или немоќ — ова е твојот момент за акција.
Македонија се наоѓа на крстопат. И историјата гледа.
Ќе дозволиме ли да се изгубат уште животи, уште семејства да се распаднат, уште млади да заминат?
Или ќе се издигнеме — заедно — и ќе ја повратиме нашата иднина?
-
Регистрирај ја твојата поддршка денес. РЕГИСТРИРАЈ
-
Додај го твојот глас кон движењето.
-
Биди дел од едно национално будење.
Ова е само почетокот. Патот пред нас нема да биде лесен. Но ништо вредно не е лесно.
Сè почнува сега. Со тебе. Со нас. Заедно.
[РЕГИСТРИРАЈ ЈА ТВОЈАТА ПОДДРШКА СЕГА]
Ова е твојот момент. Ова е твоето движење.
Да ја обновиме нашата земја — заедно.
Нашиот Фокус
3 Столба за ПРАВЕДНА и ПРОСПЕРИТЕТНА Држава
01
Правда што му служи на народот, НЕ на моќните
Ќе се залагаме за ставање крај на ерата на неказнивост. Корупцијата ќе биде гонета, законот ќе биде применет, и никој – без разлика колку е моќен – нема да биде над правдата.
02
Достоинство и можности за секој граѓанин
Од вработување и образование до здравство и домување – ќе се залагаме за градење систем што им овозможува на сите граѓани на Македонија фер можности за подобар живот – тука, во својата татковина, а не во туѓина.
03
Единство за Заедничка Иднина
Доста со поделбите. Ние сме еден народ. Ќе работиме на излекување на раните од минатото, и ќе работиме заедно и ќе ја вратиме гордоста во нашата земја.
Запознајте
ја Елена Спасовска
и Мајкл Пеневски
Ние сме Елена и Мајкл— партнери во животот, и обединети во иста цел.
Нашата визија е едноставна, но итна: Македонија каде што луѓето повеќе не мора да заминуваат за да најдат можности, безбедност или достоинство.
Сакаме да изградиме земја во која семејствата можат да напредуваат, младите луѓе можат да имаат големи соништа, а никој не се чувствува како да единствената перспектива им е надвор од границите.
Имаме искуство и знаење во меѓународна политика, право, градење мир и доброто владеење, и веќе сме биле сведоци како силни институции и чесно лидерство можат да ја трансформираат нацијата. И веруваме дека Македонија може да се трансформира — започнувајќи со храброста да се соочиме со корупцијата и решеноста да создадеме реална промена.
Ова е за создавање на иднина која вреди да се остане — иднина во која младите и идните генерации ќе можат гордо да ја наречат оваа земја свој дом.
Д-р Елена Спасовска е меѓународен експерт за изградба на мир, родова еднаквост и демократско управување. Таа има магистратура од Универзитетот во Барселона и докторска титула по меѓународни односи од Универзитетот на Јужна Австралија, каде нејзиното истражување се фокусираше на национализам, етнички конфликти и учеството на жените во мировните процеси за време и по конфликтот во 2001 година.
Елена има предавано и учествувано во истражувачки проекти на водечки австралиски универзитети. Нејзината академска работа опфаќа глобална политика, развој, меѓународна безбедност, трговија со луѓе и постконфликтно владеење. Таа е основачка и претседателка на Меѓународната Балканска Алијанса за Одржлив Мир и Развој, платформа посветена на унапредување на Целите за одржлив развој на Обединетите нации (СДГ) во регионот. Како објавена авторка и гласен застапник за реформи, Елена внесува академска прецизност и граѓанска храброст во секое поле на нејзиното делување.
Со ко-основањето на Алијансата на Македонските Граѓани, Елена ја претвора својата научна работа во акција — мобилизирајќи ги граѓаните да ја вратат демократијата, да бараат правда и да изградат пофер и подостоинствена Македонија.
Мајкл Пеневски е дипломиран правник и инвестициски банкар, специјализиран за приватен капитал, спојувања и превземања, како и за капитални пазари. Роден во семејство изградено врз македонски вредности и истрајност, тој е долгогодишен критичар на последователните влади и гласен противник на системската корупција, со јасен повик истата конечно да биде искоренета во Македонија.
Мајкл верува дека вистинските реформи мора да започнат со транспарентност, интегритет и целосно укинување на политичката неказнивост. Тој е длабоко посветен на трансформација предводена од граѓаните, со посебен фокус на економско обновување—застапувајќи го развојот на локалните индустрии, претприемништвото и иновациите предводени од младите, како основа за одржлива иднина на Македонија. Тој е коосновач на Алијанса на Македонските Граѓани, создадена за да се изгради држава што им служи на граѓаните—а не на привилегираните малкумина.
Нашите Основни Цели
Нашите цели се втемелени во вербата дека секој граѓанин заслужува достоинство, можности и правда. Посветени сме да придонесеме во изградба на држава што им служи на своите луѓе – а не на привилегираната малкумина – преку транспарентно раководство, силни институции и трајни реформи.
01
Искоренување на корупцијата на сите нивоа од јавниот и приватниот живот
Корупцијата не е само политички проблем – таа е национална криза што краде од секој граѓанин. Нашата цел е да ја искорениме корупцијата од владата, општините, бизнисот, и сите јавни и приватни институции. Од ситни мита до високи злоупотреби на буџетски средства – ќе го разобличиме и гониме секое прекршување, ќе воведеме строги антикорупциски закони и ќе изградиме култура каде што чесноста не се казнува – туку се очекува и се наградува.
02
Враќање на владеењето на правото, за никој да не биде над правдата
Предолго во Македонија законите се применуваа селективно – штитејќи ги моќните, а казнувајќи ги немоќните. Ќе се залагаме за вистински независно судство, еднаков третман пред законот и ќе се бориме за да сите институции – од полицијата до судовите – функционираат без политички притисоци. Правдата мора да им служи на граѓаните, а не да ги штити елитите.
03
Создавање достоинствени работни места и поттикнување на претприемништвото
Нашиот народ не бара милостина – тој бара можност да работи со достоинство. Ќе се залагаме за инвестиции и ќе учествуваме во развој на обуки за вештини, модерни индустрии и мали бизниси за да создадеме вистински, долгорочни можности за вработување. Ќе се залагаме за намалување на бирократијата и поддршка на локалните претприемачи за да го ослободиме креативниот и економскиот потенцијал на нашите граѓани.
04
Спречување на одливот на мозоци преку давање вистински причини за младите да останат
Секоја година, илјадници млади талентирани луѓе од Македонија ја напуштаат државата во потрага по можности во странство. Ова мора да престане. Ќе се залагаме за држава каде младите ќе можат да ја градат својата иднина, да создаваат семејства и да напредуваат. Тоа значи подобро образование, работни места, домување и влада што ги слуша и инвестира во младите — а не влада што ги протерува.
05
Обнова на jавните iнституции за да iм Служат на gраѓаните, а НЕ на политичките елити
Јавните институции треба да работат за граѓаните – а не за политичарите. Ќе се залагаме за реформи во системот на вработување во јавната администрација, и укинување на партиските назначувања, како и воспоставување професионализам, транспарентност и одго ворност во секоја јавна институција. Нашите училишта, болници и локални самоуправи мора да бидат обновени за да му служат на народот – а не на приватни или партиски интереси.
06
Поттикнување на национално единство и гордост преку надминување на поделбите и градење заедничка иднина
Посилни сме кога сме обединети. Децении наназад, поделбите – било политички, етнички или регионални – беа користени како алатка за манипулација и одвлекување на вниманието. Ќе се залагаме за движење на национално помирување и единство, каде секој граѓанин ќе биде третиран со почит и еднаквост. Заедно ќе придонесеме кон ново поглавје за Македонија – исполнето со надеж, достоинство и заедничка цел.
Најчесто Поставувани Прашања (ЧПП)
Ова е граѓанско движење создадено за да ја оспори длабоко вкоренетата корупција, беззаконие и институционален распад што со децении ја разоруваат нашата земја. Се работи за давање глас на народот – особено на оние што се чувствувале замолчени, игнорирани или немоќни. Целта ни е да ја вратиме иднината на Македонија преку заедничко дејствување, споделени вредности и непоколеблива посветеност на правдата, транспарентноста и достоинството за сите. Ова не е само реакција на трагедија – ова е раѓање на едно национално будење.
Ова движење е заеднички основано и водено од д-р Елена Спасовска и Мајкл Пеневски.
Елена е академик родена во Македонија, со докторска титула по меѓународни студии, со фокус на градење мир, граѓански движења и родова еднаквост. Мајкл е инвестициски банкар специјализиран за приватен капитал, капитални пазари и управување. Заедно, тие се долгогодишни застапници за реформи кои поминале години проучувајќи ги системските неуспеси што ја влечат Македонија назад — и сега ги посветуваат своите напори на градење решенија. Тие се посветени на служење и работат на создавање веродостоен пат напред за народот, воден од народот.
Трагедијата во ноќниот клуб „Пулс“ беше национален шок – но не и изненадување. Таа ја откри смртоносната цена на децении негрижа, корупција и неспособност. Премногу животи се загубени, премногу можности се уништени, и премногу ветувања останаа неисполнети. Народот е подготвен за промена – и ние веруваме дека ова е пресвртната точка. Ова не е само момент за жалење – туку момент за организирање, мобилизирање и обнова на државата од темел.
Сѐ уште не. Во моментов сме граѓанско движење – алијанса поттикната од народот, посветена на подигање на свеста, собирање поддршка и градење обединет фронт за реформи. Сепак, планираме да прераснеме во политичка партија кога ќе дојде вистинскиот момент – и само ако тоа го посакаат граѓаните – партија изградена врз интегритет, професионализам и служба кон народот. За разлика од традиционалните партии, ние ќе бидеме водени од вредности, а не од лични или политички интереси.
Нашите основни цели се:
-
Да се искорени корупцијата на сите нивоа од јавниот и приватниот живот.
-
Да се воспостави владеење на правото, така што никој да не биде над правдата.
-
Да се создадат достоинствени работни можности и да се поттикне претприемништвото.
-
Да се спречи иселувањето со тоа што ќе им се дадат на младите вистински причини да останат.
-
Да се обноват јавните институции за да им служат на граѓаните, а не на политичките елити.
-
Да се зајакне националното единство и гордост преку надминување на поделбите и градење заедничка иднина.
-
Не. Ние сме целосно независни и не сме поврзани со ниедна сегашна или поранешна политичка партија. Не сме продолжение на ничии политички амбиции – туку сме одговор на неуспехот на сите партии да владеат со чесност и способност. Одговараме само пред народот кој се приклучува на оваа алијанса – а не пред олигарси, донатори или партиски лидери.
Секој граѓанин на Македонија и припадник на дијаспората – без разлика на возраста, етничката припадност, верата или локацијата – е добредојден. Без разлика дали живеете во Македонија или надвор, вашиот глас е важен. Ова движење им припаѓа на сите кои се чувствуваат изоставени од еден расипан систем, кои се уморни од лажни ветувања и кои веруваат во подобра иднина. Ни треба вашиот глас, вашата сила и вашата надеж.
Регистрацијата е вашиот прв чекор кон подобра иднина. Тоа значи дека стоите со нас во барањето за промени. Тоа значи дека сте подготвени да бидете дел од оние многубројни граѓани кои се уморни од неправдата и кои сакаат да изградат иднина заснована на правичност, можности и почит. Регистрираните поддржувачи први ќе добиваат информации, покани и можности да помогнат во обликувањето на движењето. Вашето име ќе стане дел од историски момент во граѓанскиот живот на Македонија.
Апсолутно не. Длабоко ја почитуваме вашата приватност и целосно сме посветени на нејзина заштита. Вашите податоци никогаш нема да бидат споделени со трети страни, политички организации или медиуми. Ќе се користат единствено за да ве информираме за напредокот на движењето, идните активности и начините на кои можете да придонесете – ако вие тоа го посакате. Довербата и транспарентноста се во срцето на сè што правиме.
Ние градиме промени од темел – преку колективен граѓански ангажман, јавен притисок, независно истражување и стратешко застапување. Ова се однесува на создавање нова култура на управување. Ќе ги држиме моќниците одговорни, ќе предложиме политики засновани на правда и транспарентност и ќе инспирираме нови лидери да се издигнат од редовите на народот. Нашата стратегија вклучува медиумско застапување, теренска мобилизација и експертска изработка на политики.
Апсолутно. Всушност, вашиот глас е клучен. Македонците во дијаспората предобро го знаат болното чувство на напуштање на татковината во потрага по стабилност и можности. Вие носите со себе знаење, искуство и мрежи кои можат да ни помогнат да изградиме подобра Македонија. Без разлика дали се работи за ширење на свеста, обезбедување ресурси, споделување експертиза или еден ден враќање за да помогнете во обновата – сакаме да бидете вклучени во секој чекор од патот. Ова е и ваше движење.
Штом ќе се регистрирате, ќе добиете можности за активно учество. Може да помогнете во организирање на средби со заедницата, преведување материјали, поддршка на дигитални кампањи, пишување содржини, спроведување истражувања, да придонесете со ваша стручност или едноставно да разговарате со други луѓе за приклучување кон движењето. Ќе формираме работни групи според регион, професија и тематска област – така што ќе има место за секоја вештина и секоја страст.
Не. Во моментов сме самофинансирани. Ова е движење создадено од и за луѓето во Македонија. Веруваме дека вистинската реформа мора да дојде одвнатре, а не да биде наметната однадвор. Иако можеме да соработуваме со институции кои се водат од интегритет во иднина, нема да прифатиме средства што ја компромитираат нашата независност. Нашата кредибилност зависи од довербата на народот – и никогаш нема да ја размениме таа доверба за погодност.
Ние не сме тука да правиме врева – тука сме да донесеме промени. Не нè интересира краткорочно медиумско внимание или активизам. Градиме дисциплинирано, структурирано движење засновано на вредности, со долгорочна визија. Посветени сме да го одиме долгиот пат – сè додека институциите не се поправат, корупцијата не биде казнета, и нашите деца можат да градат животи со достоинство тука, дома.
Ние не чекаме политичка моќ за да делуваме — борбата против корупцијата веќе започна.
Како граѓанско движење, ние ќе ги мобилизираме граѓаните, ќе откриваме неправилности и ќе ја поставуваме основата за нова култура на одговорност во Македонија. Нашата стратегија вклучува:
-
Подигнување на јавната свест преку истражувачки кампањи, написи и медиумски активности што ги откриваат системските слабости и ги држат службениците одговорни.
-
Создавање безбедни канали за пријавување на злоупотреби, измами и лошо управување — без страв од одмазда.
-
Изградба на мрежа на граѓански набљудувачи кои ќе го следат јавниот тендерски процес, работата на локалната власт и злоупотребата на јавните ресурси во целата држава.
-
Организирање јавни форуми и теренски средби за документирање на искуствата на заедниците со корупцијата и собирање докази за да се побараат конкретни промени.
-
Соработка со правни и политички експерти за изготвување на антикорупциски предлог-реформи кои ја одразуваат волјата на народот и можат да бидат усвоени од идните влади.
-
Овластување на дијаспората да ја подигне меѓународната свест и да изврши притисок врз институциите што свесно ја игнорираат корупцијата дома.
Веруваме дека промената започнува пред избори. Со мобилизација на народот и со градење информирано, ангажирано и бескомпромисно граѓанско движење, веќе ќе ги нарушиме системите што ги штитат корумпираните.
Вака ја враќаме моќта – не само во парламентот, туку и во срцата и умот на народот.-
Нашата визија е национална. Предолго, руралните заедници и помалите општини беа игнорирани, недоволно финансирани и оставени без соодветна инфраструктура и глас. Ние сме посветени на пристап што го опфаќа целото подрачје на државата, обезбедувајќи дека секој граѓанин – од главниот град до најоддалеченото село – ќе има пристап до правда, можности и застапеност. Со ваша помош, движењето ќе има локални координатори во секој регион и град.
Ние веруваме дека Македонија им припаѓа на сите нејзини граѓани. Се залагаме за обединето, мултиетничко општество каде што секој е почитуван и има еднакви можности. Етничката, верската и културната разновидност треба да бидат извор на сила – не на поделби. Ги отфрламе говорот на омраза, политичката манипулација со идентитетот и сите обиди за поделба на народот за лични или политички цели. Ова движење е за секој македонски граѓанин кој посакува подобра држава и иднина.
Ја разбираме скепсата – на граѓаните на Македонците со децении им се ветуваше промена, само за повторно да бидат изневерени од истите корумпирани системи. Но ние не бараме слепа доверба – бараме да нѐ набљудувате, да нѐ предизвикувате и да нѐ држите одговорни. Ќе ја заслужиме вашата доверба преку нашите дела, а не само преку зборови. Ова не се празни ветувања – ова е изградба на култура на транспарентност, правда и јавна служба од самите темели.
Свесни сме за ризикот – и подготвени сме. Нашето раководство ќе биде внимателно проверено, а процесот на донесување одлуки ќе биде целосно транспарентен. Внатрешните правила на работа, етички кодекси и децентрализирани работни групи ќе спречат поединци или фракции да ја преземат контролата врз мисијата. Но најважно од сѐ, нашата најголема заштита сте вие – граѓаните кои ќе нѐ држат чесни, одговорни и силни.
Да. Заштитата на животната средина е дел од нашата клучна мисија. Од нелегално палење отпад и токсично загадување на воздухот, до странска експлоатација – Македонците се трујат во сопствената земја. Ќе се залагаме за строги еколошки закони, транспарентни еколошки проценки, и ќе ги држиме одговорни загадувачите – како домашни, така и странски. Праведна Македонија мора да биде и чиста, здрава и погодна за живеење.
Ќе креираме форуми, јавни средби, дигитални анкети и заеднички собири за да ве слушнеме директно вас. Ова е движење со народот – не над него. Без разлика дали сте во Македонија или во дијаспората, вашиот глас е важен и ќе помогне да се обликуваат нашите политики и насоки. Можете и директно да не контактирате преку контакт формуларот или по е-пошта.
Подготвени сме. Растот не е проблем – тој е знак дека Македонија се буди. Веќе воспоставуваме системи кои ќе овозможат одржлива и скалабилна структура што ќе поддржи стотици илјади членови, волонтери и граѓани. Посветени сме на создавање на нешто силно, дисциплинирано и отпорно – а не хаотично или краткотрајно.
Вие сте причината зошто постои ова движење. Знаеме колку е тешко да се и да се остане мотивиран во разрушена систем. Но, не треба да го напуштиме својата дом за да живееме со достоинство. Сакаме да изградиме Македонија во која нашата иднина ќе биде можна – тука, дома. Ни се потребни вашите идеи, вашата енергија и вашето лидерство. Ова е нашата Македонија – и време е да си ја вратиме.
Започнете со тоа што ќе се регистрирате и ќе ја искажете вашата поддршка. Потоа, споделете ја оваа веб-страница со пријателите, семејството, колегите и вашите контакти – особено со оние во дијаспората. Следете нè на социјалните мрежи. Присуствувајте на локални собири. Понудете ги вашите вештини како волонтер. Поставувајте тешки прашања. Гласно зборувајте кога ќе сведочите неправда. Помогнете ни да ја прошириме пораката дека промената е можна – и дека започнува со луѓе како вас.
Штом ќе се регистрирате, ќе добивате ажурирања преку е-пошта за настани, извештаи за напредок, претстојни иницијативи и начини на кои можете да се вклучите. Исто така, редовно ќе објавуваме содржини на нашите официјални социјални мрежи и ќе организираме јавни дискусии во живо и сесии за прашања и одговори. Веруваме во целосна транспарентност и јавна одговорност – затоа секогаш ќе знаете што правиме, зошто го правиме и како можете да бидете дел од тоа.
